Av og til får eg skikkelege abstinenser. Bruktfunn- abstinenser!
Forrige veke hadde eg det slik, og vi bestemte oss for ein roadtrip til Ørsta og Volda
for å sjekke ut bruktbutikkane der. Og dei skuffa ikkje!
I Ørsta er der ein diger Bruktbutikk i 2 etasjer. Fantastisk!
Og i Volda var der ein liten, men den skuffa ikkje den heller ;)
Det blir absolutt fleire turer hit! ;)
Eg var på jakt etter gamle rammer og bilder til ein bildevegg eg skal ordne.
Dette bildet med mor og barn synast eg var heilt fantastisk fint! Og krukka til mjøl,
den er eg forelska i. Gammal og med favorittfargen på lokket!
Eg fann også eit gammalt koppesett med harlekinmønster
og ein ny favorittkopp med blomster;)
Gamle sengetøy blir eg aldri lei av.
Dei er supre å lage puter av. Mjukt og fint stoff med glade farger :)
Endå eit gammalt bilde med flott ramme.
Også fann eg 2 slike krakker. Eg har litt lyst å måle dei, men kanskje
eg skal la det vere? Dei er jo sjarmerande og naturleg slitt :)
Ein stol som skal fiksast litt på,
og eit fint gammalt bilde med natur på. Eg likte så godt fargane i det :)
Har du gjort nokre bruktfunn i det siste?
Ha ein fin kveld!
Klem frå Bjørg :-)